Монгол Бодлогын Сан
Эх хэлээрээ суралцаж, эх хэлээрээ мэдлэгээ түгээе.
ХИ талбайтай багтсан тэгш өнцөгт
$13,13,24$ талуудтай адил хажуут гурвалжинд хоёр орой нь суурь дээр нөгөө хоёр орой нь хажуу талууд дээр байхаар тэгш өнцөгт багтжээ. Тэгш өнцөгтийн талбайн хамгийн их утгыг ол.
A. $45$
B. $30$
C. $27$
D. $24$
E. $12$
Бодлогын төрөл: Сонгох
Амжилтын хувь: 65.00%
Бодлогыг оруулсан: Балхүүгийн Батбаясгалан
Бодолт
Заавар: Оройгоос буулгасан өндрийн сууриас тэгш өнцөгтийн суурь дээрх орой хүртэлх зай $x$-ээр талбайг илэрхийлээд уг функцийн хамгийн их утгыг ол.
Бодолт: Суурьт буусан өндрийн сууриас тэгш өнцөгтийн суурь дээрх орой хүртэлх зайг $x$ гэе.
Адил хажуут гурвалжин тул уг өндрийн сууриас суурийн орой хүртэлх зай нь $DC=\dfrac{24}{2}=12$, өндөр нь $$BD=\sqrt{BC^2-DC^2}=\sqrt{13^2-12^2}=5$$ байна. Тэгш өнцөгтийн нөгөө тал нь суурьт буусан өндөртэй параллель тул төсөөтэй гурвалжны талуудын харьцаагаар $$\dfrac{GC}{DC}=\dfrac{FG}{BD}\Leftrightarrow\dfrac{12-x}{12}=\dfrac{h}{5}$$ буюу $$h=\dfrac{5}{12}(12-x)$$ байна. Тэгш өнцөгтийн талбай нь $$S(x)=2x\cdot h=\dfrac{5}{6}x(12-x)$$ болно. Энэ нь $$S^\prime(x)=10-\dfrac{5}{3}x=0\Rightarrow x=6$$
үед $30$ гэсэн хамгийн их утгаа авна.
Сорилго
Онлайн сорилго Б
2016-10-27
hw-81-2017-02-11
Уламжлалын хэрэглээ А
уламжлал
уламжлалын хэрэглээ
Уламжлал хэрэглээ 2