Монгол Бодлогын Сан

Эх хэлээрээ суралцаж, эх хэлээрээ мэдлэгээ түгээе.

Трапец ба гурвалжны тэнцэтгэл биш

Трапецийн талууд 4, 6, 8, 10 нэгж урттай бол сууриудын урт нь аль нь вэ?

A. $(4,6)$   B. $(4,8)$   C. $(4,10)$   D. $(6,8)$   E. $(6,10)$  

Бодлогын төрөл: Сонгох
Амжилтын хувь: 67.00%
Бодлогыг оруулсан: Балхүүгийн Батбаясгалан

Бодолт

Заавар: Трапецийн бага суурийн аль нэг оройг дайруулж нөгөө хажуу талтай параллель шулуун татаад үүсэх гурвалжинд гурвалжны тэнцэтгэл биш ашигла.

$0< a\le b\le c$ тоонууд гурвалжны талууд болохын тулд $a+b>c$ байна.
Бодолт: Трапецийн сууриуд нь $a$, $b$; хажуу талууд нь $c$, $d$ гэвэл зааварт өгсөн шулуунаар $|a-b|$, $c$, $d$ талуудтай гурвалжин үүсэх ёстой.
$(4,6)$ тохиолдолд 2, 8, 10 талуудтай гурвалжин оршин байхгүй.

$(4,8)$ тохиолдолд 4, 6, 10 талуудтай гурвалжин оршин байхгүй.

$(4,10)$ тохиолдолд 6, 6, 8 талуудтай гурвалжин оршин байх тул хариу болно.

Үлдэх хоёр тохиолдол шийд болж чадахгүйг өмнөхийн адил шалгаарай.

Сорилго

2016-03-08  2020-04-08 сорил  ДӨРВӨН ӨНЦӨГТ 

Түлхүүр үгс