Монгол Бодлогын Сан
Эх хэлээрээ суралцаж, эх хэлээрээ мэдлэгээ түгээе.
Ялгаатай цифрүүд бүхий 5 оронтой тоонууд
Аравтын тооллын системд бүх цифр нь ялгаатай 5 оронтой тоо нийт хэдэн ширхэг байх вэ?
A. 24685
B. 25682
C. 26380
D. 27200
E. 27216
Бодлогын төрөл: Сонгох
Амжилтын хувь: 66.17%
Бодлогыг оруулсан: Балхүүгийн Батбаясгалан
Бодолт
Заавар: Эхний цифрээс авахуулаад дараагийн цифрүүдээс ялгаатай байхаар сонгоно гэж үз.
Бодолт: Эхний цифр буюу 10000-тийн орон 1-9 цифрийн аль нь ч байж болох тул 9 боломжтой, мянгатын орны цифр нь өмнө сонгогдсон нэг цифрээс ялгаатай 0-9 цифрийн аль нь ч байж болох тул 9 боломжтой, зуутын орны цифр нь өмнөх 2 цифрээс ялгаатай тул 8 боломжтой, аравтын орны цифр нь өмнөх 3 цифрээс ялгаатай тул 7 боломжтой ба нэгжийн орны цифр нь 6 боломжтой байна. Иймд нийт
$$9\cdot 9\cdot 8\cdot 7\cdot 6=27216$$
тоо байна.